CLVIII.

1336, November 15. Glatz.

Herzog Bolko (No. CLVI.) überlässt dem Stifte das Supremum iudicium provinciale auf allen Besitzungen desselben.

In nomine domini amen. Ad perpetuam omnium hominum tam presencium quam futurorum memoriam nos Bolco dei gratia dux Slezie et dominus de Furstinberg et de Munstirberg deducimus tenore huius privilegii perpetuo valituri publice profitentes, quod nos pro nostra ac progenitorum nostrorum salute animarum testamenti nomine et multorum per nos fratribus de Kamencz illatorum gravaminum in emendam, supremum provinciale iudicium, quod super omnibus bonis monasterii Kamencz pro tempore dederamus domino abbati et conventui ibidem eidem dictum supremum iudicium provinciale in omnibus causis quantumcunque criminalibus in et super omnibus villis suis, curiis, allodiis, ortis, thabernis ac universis et singulis ipsorum bonis damus, dedimus, pure et irrevocabiliter contulimus cum omni iure, libertate et dominio per ipsos haben­dum, retinendum, regendum, utifruendum ipsi monasterio Kamencz in antea perpetuo ascribentes, volentes, ut dominus abbas de Kamencz, quicunque pro tempore fuerit, per se vel vlodarium suum aut advocatum omnes et singulas causas iudiciarias indicet, eciam si tales cause forent, que ad menbri mutilacionem, manus vel capitis pleccionem aut truncacionem se extenderent inhi­bentes striccius expresse, ut nullus advocatorum provincialium vel officialium, quorumcunque per se aut alios super dicti monasterii curiis, allodiis, villis, ortis, thabernis aut eciam bonis ad dictum monasterium pertinentibus aliquibus unquam temporibus iudicio presidere audeat aut ipsos citare presumat vel in eisdem iudicandi aliquam habeat potestatem. Harum, quas sigillo nostro signari fecimus testimonio litterarum, testes huius sunt domini et fideles nostri: Otto senior de Glubucz, Heynemannus et Peregrinus de Petirzwald, Peczco de Milcowicz, Hermannus de Strelin, Hanco de Eichilburn, Henricus Rungo et Petrus curie nostre notarii. Datum Glacz anno domini millesimo trecentesimo tricesimo sexto, XVII°. Kalendas Decembris.

Or. Perg. Das wolerhaltene Reitersiegel (mit Rücksiegel) des Herzogs an gedrehten Fäden von rothblauer Seide.

Codex Diplomaticus Silesiae, hrsg vom Vereine für Geschichte und Alterthum Schlesiens, Bd 10, Urkunden des Kloster Kamenz. Hrsg von Dr Paul Pfotenhauer, Breslau 1881.